Укучыларны башлангыч хәрби әзерлек курсы кысаларында дроннар белән идарә итүгә өйрәтәчәкләр
Югары сыйныф укучылары өчен башлангыч хәрби әзерлекнең биш көнлек курсы эшләнде, аның кысаларында алар пилотсыз очу аппаратлары белән идарә итү нигезләре белән танышачак. Бу хакта Россия Оборона министрлыгының Баш хәрби-сәяси идарәсе эксперты Михаил Бородин белдерде.
Аның сүзләренә караганда, төп игътибар гамәли дәресләргә, хәрби-тактик һәм хәрби-спорт уеннарына биреләчәк. Тугыз уку модуле күздә тотыла, алар арасында техник әзерлек һәм элемтә нигезләре бар. Соңгысы кысаларында пилотсыз очкычлар белән эшләргә өйрәтү булачак.Сүз шулай ук инженер әзерлеге, радиация, химик һәм биологик яклау, шулай ук хәрби-медицина әзерлеге турында барачак.
Укуларны "Авангард" яшьләрне хәрби-патриотик тәрбияләүнең укыту-методик үзәкләре базасында уздыру күздә тотыла.