Кабул итү кампаниясенең беренче 10 көнендә педвузларга 60 меңнән артык гариза бирелгән

2023 елның 3 июле, дүшәмбе

Кабул итү кампаниясенең беренче 10 көнендә педагогик вузларга керү өчен 60 меңнән артык гариза бирелгән, бу узган ел белән чагыштырганда ике тапкырга күбрәк. Бу хакта РФ Мәгариф министры Сергей Кравцов төбәк башкарма хакимият органнары җитәкчеләренең Чечен Республикасында узган мәгариф системасын үстерүнең актуаль мәсьәләләре буенча Бөтенроссия киңәшмәсендә хәбәр итте.

Министр быел абитуриентларның "Дәүләт хезмәте" порталында "Югары уку йортына онлайн укырга керү" сервисыннан файдалана алуы турында сөйләде. Ул шулай ук чыгарылыш укучыларына будьучитель.рф платформасы белән танышырга тәкъдим итте.