Татарстанның өч шәһәрендә ишегалларында балалар лагерьлары эшли башлады
Татарстанның өч шәһәрендә (Яр Чаллы, Бөгелмә һәм Әлмәт шәһәрләрендә) «Безнең ишегалды лагере» проекты эшли башлый. Балаларны һәм яшүсмерләрне спорт ярышлары, уеннар, биюләр, рәсемнәр бәйгесе һәм башкалар көтә.
«Зәй һәм Лениногорск районнарында булган тәҗрибәне тарату турында карар кабул ителде. Алар ел саен ишегалды лагерьларын үткәрәләр. Без моны киңәйтергә карар кылдык. Барлыгы җиде муниципаль районны колачлаячакбыз, - диде “Татар-информ”га ТР Рәисе ярдәмчесе, “Беренчеләр хәрәкәте” төбәк бүлеге җитәкчесе Тимур Сөләйманов.
Лениногорск һәм Зәй районнарында ишегалды лагерьлары эшли, ә Яшел Үзән һәм Түбән Кама районнарында алар 10 июльдән эшли башлаячак.
Һәр йортта балалар белән бер куратор һәм ике вожатый командасы эшләячәк. Махсус белем алган 16-17 яшьлек яшүсмерләр һәм яшьләр алыначак.
Барлык районнарда ишегалды лагерена теләсә кайсы көнне кушылырга мөмкин, сылтама буенча теркәлеп һәм күрсәтелгән теләсә кайсы адрес буенча килеп. Программада төрле яшьтәге балалар өчен шөгыльләр бар.