Педагогика вузларына 270 меңнән артык гариза бирелгән

2023 елның 17 июле, дүшәмбе

2023 елның кабул итү кампаниясе башланганнан бирле педагогик вузларга  бирелгән гаризалар саны 270 меңнән артып киткән. Бу хакта Россия Федерациясе Мәгариф министры Сергей Кравцов «Россия җәмгыяте: кыйммәтләр һәм әхлакый ориентирлар» V Бөтенроссия яшьләр форумының «Дигория» панель дискуссиясендә чыгыш ясаганда хәбәр итте.

Ул быел БДИ тапшыручы укучыларның гомуми саны 600 мең тәшкил итүен искәртте, шулай ук абитуриентларны белем бирүне дәвам итү өчен педагогик юнәлешләрне сайларга чакырды. Мәгариф министрлыгы башлыгы билгеләп үткәнчә, мәктәп белем бирү системасы - дәүләтнең стратегик өстенлеге, шәхес формалаштыруга һәм баланың һәрьяклап үсешенә ачкыч, һәм, нәтиҗәдә, ул җәмгыять һәм тулаем дәүләт үсеше өчен аерым әһәмияткә ия.