КФУда үткән "Җәйге университет"да 30 илдән 300 укучы һәм педагог катнашты
Казан федераль университетында Россия Мәгариф һәм фән министрлыгының «Җәйге университет» халыкара проекты гамәлгә ашырыла. 30 ерак һәм якын чит илдән 300 кеше ике атнага югары уку йорты студентлары булды.
"Яшьләр. Инновацияләр. Бердәмлек" исемендәге "Җәйге университет" программасы 10 июльдән 23 июльгә кадәр уза.
Югары уку йорты кунаклары социаль проектлау буенча фәнни чараларда һәм дәресләрдә катнаша. Казан һәм Татарстан районнары буенча экскурсияләр вакытында алар Россия һәм республика тарихы, мәдәнияте һәм традицияләре белән танышалар. Программада катнашучыларның иң күбе Үзбәкстан, Казахстан, Кыргызстан, Мисыр, Төркия һәм Иран, шулай ук Куба, Сүрия, Кытай һәм Һиндстаннан килгән.
"Җәйге университетта" катнашучыларның берсе Үзбәкстаннан, ул Мордовия дәүләт педагогика университеты аспиранты Ойбек Хушбоков булды. Аның фикеренчә, мондый проектлар халыкара хезмәттәшлекне һәм халыклар арасындагы дуслыкны ныгытырга ярдәм итә.Проектның икенче катнашучысы Казахстаннан - К. Жубанов исемендәге Актүбә төбәк университеты студенты Аян Жоламан «Җәйге университет»да «Россия мәдәнияте һәм телләре » трегы буенча укый.