Казанда С.Хәким урамындагы мәктәп төзелешенә 577 млн сум акча бирелгән

2023 елның 25 июле, сишәмбе

Сибгат Хәким урамындагы мәктәп төзелешенә тагын 577,196 млн сум акча бүлеп бирелгән. Мәгълүмат дәүләт сатып алулары сайтында пәйда булды.

Май азагында «Татар-информ» хәбәр иткәнчә, Казанның Яңа Савин районында яңа мәктәп төзелеше 70%ка тәмамланган. Аны 1 сентябрьгә ачарга планлаштыралар. Мәгариф учреждениесе 1224 урынга исәпләнгән.

Эшнең заказчысы - ТР Баш инвестиция-төзелеш идарәсе, эшләргә акча республика бюджетыннан бирелә. Контракт нигезендә, финанслау гомумтөзелеш эшләре комплексын төгәлләүгә китәчәк, аерым алганда, инженер-техник тәэмин итү.