Казанга "Җиңү поезды" килде
24 июльдә "Казан-1" тимер юл вокзалына "Җиңү поезды" күчмә күргәзмә-лекцион комплексы килде.
25 июльдә Татарстан Мәгариф һәм фән министрлыгы тарафыннан “Казан” станциясендә “Җиңү поезды” акциясе оештырылды. Аның белән министрлыкның профильле сменага килгән һәм өстәмә белем бирү учреждениеләре балалары таныша алды. Экспозицияне уңайлы карау өчен Җиңү Поездында булу махсус режимда оештырылган.
Бер вагонда бер үк вакытта 15 кеше һәм 1 озатып йөрүче волонтер була ала, ул куркынычсызлык чараларын үтәүне һәм килүчеләрнең агымнары белән идарә итүне тикшерә, экспозициягә төркемнәр һәр 5 минут саен кертелә, экспозицияне карау һәм вагонда булу аудиогид тексты белән чикләнгән (якынча 5 минут).
Казанда "Җиңү поезды" күчмә күргәзмәсе экспозицияләрендә 200дән артык бала булды. Килүчеләр тарихи маршрут буенча үттеләр, ул сугыш алды елларын, Бөек Ватан сугышы чорын һәм Җиңү көннәрен үз эченә ала.
Экспозиция ун тематик вагонда урнаштырылган, шуларның берсе - хәрби трибуналлар турында - быел барлыкка килгән. Музейда казанлыларны аудиогид Лидия озатып йөрде. Ул истәлекләр, гаилә тарихлары, Бөек Җиңү көне һ.б. турында сөйләде.
«Җиңү поезды» проектын гамәлгә ашыру алга таба Яр Чаллы, Әлмәт һәм Бөгелмә шәһәрләрендә дәвам итәчәк