Яр Чаллыда БДИ буенча иң югары нәтиҗәләргә ирешкән мәктәпләр аталды

2023 елның 27 июле, пәнҗешәмбе

БДИ нәтиҗәләре буенча аттестат һәм “Укуда аеруча уңышлар өчен” медале Чаллының 229 чыгарылыш сыйныф укучысына тапшырылды.

Шулай ук быел ике гомуми белем бирү мәктәбен тәмамлаучы кытай теле буенча БДИ тапшырырга да гариза биргән. 2021 елда бер чыгарылыш сыйныф укучысы испан теленнән БДИ тапшырган иде. Исегезгә төшерәбез, быел бердәм дәүләт имтиханын 100 баллга 26 чыгарылыш сыйныф укучысы язды, шуларның берсе ике фән буенча берьюлы 100 балл җыйды. Иң югары нәтиҗәләрне 26, 77, 76, 61, 57 нче номерлы гимназия, 36, 78 нче лицей һәм 19, 30, 39, 41, 56, 58 нче гомуми белем бирү мәктәпләре күрсәтте.