Донбасс турындагы фильм герое патриотик лагерь сменасында катнашучылар белән очрашты
“Геройлар вакыты” хәрби-спорт сменасы “Патриот” яшьләренең спорт-патриотик һәм хәрби әзерлеге республика үзәге базасында, “Яшьләрнең хәрби-спорт әзерлеген һәм патриотик тәрбияне үстерү үзәге” коммерцияле булмаган өстәмә һөнәри белем бирү оешмасы, Татарстан Республикасы Яшьләр эшләре буенча министрлыгы, Татарстан Республикасы Мәгариф һәм фән министрлыгы ярдәмендә 19 августтан 8 августка кадәр уза. Анда республиканың төрле шәһәр һәм районнарыннан 300 кеше катнашты. “RT.Док: Время героев” документаль киноның беренче халыкара фестивале кысаларында Донбасс турында "Мин сугышка киттем" фильмының бер героинясы Анна Ильясова ( Белка) "Геройлар вакыты" республика лагереның хәрби-спорт сменасында катнашучылар белән очрашты. Фильмны караганнан соң катнашучылар героиня белән аралаштылар һәм аңа үзләрен кызыксындырган сорауларны бирделәр.
"Татмедиа" РА материаллары буенча