Казан укучылары геометрия буенча Шарыгин исемендәге 19 нчы олимпиадада җиңүчеләр булды
Кичә Казан укучылары 19 нчы тапкыр үткәрелгән геометрия буенча Шарыгин исемендәге олимпиадада җиңүчеләр булды.Интеллектуаль ярышларның финалы 29 июльдән 1 августка кадәр Мәскәү өлкәсендә узды. Олимпиаданың йомгаклау этабында Россиядән һәм чит илләрдән -Беларусь, Болгария, Бөекбритания, Һиндстан, Казахстан һ. б. 100 дән артык укучы катнашты. Казаннан 6 укучы олимпиадада җиңүче һәм призер булдылар.
Максим Большаков - 2 нче лицей-интернат укучысы, Әмир Вәлиәхмәтов - 131 нче лицейның 10 нчы сыйныф укучысы, Алан Зарипов - 131 нче лицейның 9 нчы сыйныф укучысы, София Вәлиева - 122 нче гимназиянең 10 нчы сыйныф укучысы, Сергей Назыров - 2 нче лицей-интернатның 8 нче сыйныф укучысы. 2 нче лицей-интернатның 8 нче сыйныф укучысы Госман Иванов югары әзерлек өчен мактау грамотасы белән бүләкләнде.