Мәктәп формасына дәүләт стандарты 2024 ел ахырында кертеләчәк
1992 елда гамәлдән чыккан ГОСТ 2024 елда яңадан кайтачак, ә әлегә аны раслау өчен фикер алышу этабы бара.
-Госстандарт мәктәп формасының гомуми төрен, төсен , бердәм фасонын билгеләмәячәк, - дип белдерде Росстандарт җитәкчесе Антон Шалаев. ГОСТның максаты башка: беренчесе - без мәктәп формасын гадәти киемнәрдән ничек аерырга? Икенче максат - иң мөһиме: ГОСТ стандартларына җавап бирсен өчен нинди материаллар файдаланылырга тиеш - һава үткәрә торган булсын , уңайлы, "катышек" эффектын бирмәсен һәм сәламәтлек өчен куркынычсыз булган тукымадан, әмма шул ук вакытта материаллар нык, буяуга чыдам һәм мәктәп урнашкан җирлектәге һава торышына туры килә торган булсын. Менә шушы сыйфатларга туры килү стандартлары белән без хәзер шөгыльләнәбез дә.
Шул ук вакытта экспертлар ата-аналарны һәм СССР ГОСТын сайлау тәҗрибәсенә таяна: 90% мәктәп формасын сайлаганда аның ничек тегелгән һәм җепләрнең сыйфаты булуга карыйлар, 60%ы тукыманың составына, 50% дизайнга игътибар итәләр.
Мәктәп комплектына ГОСТ әлегә түбәндәге киемнәрне генә кертте: блузка, жилет, пиджак, кардиган, джемпер, свитер, күлмәк, чалбар һәм шортлар. Алар кызларга һәм малайларга көндәлек һәм тантаналы чараларга кию өчен каралган. Критерийлар тулыланырга яки үзгәрергә мөмкин, ә ахыргы ГОСТ 2024 елның икенче яртысына яки ахырына расланачак.