«Татмедиа»да Татарстанда мәктәп укучыларының олимпиада хәрәкәтен үстерү турында сөйлиячәкләр
9 август көнне сәгать 11.00 дә Татмедиада ТР мәгариф һәм фән министры урынбасары Минзәлия Закирова катнашында Татарстанда сәләтле балалар белән эшләү турында брифинг узачак.
Брифингта спикерлар булып түбәндәге кунаклар чыгыш ясаячак: Казан шәһәренең Вахитов районы 131 нче лицей химия укытучысы Әлфия Сафонова, Казан шәһәре Вахитов районының 131 нче лицеен тәмамлаган, химия буенча халыкара олимпиадаларның алтын медалисты Никита Перов, Казан шәһәренең Идел буе районындагы 6 нчы гимназия директоры Ольга Баклашова, Казан мәгълүмати технологияләр һәм элемтә техникумының мәгълүмати технологияләр һәм матбугат үзәге башлыгы Марсель Нургалиев, Казан шәһәре Идел буе районының 6 нчы гимназиясенең 8 нче сыйныф укучысы, «Архипелаг - 2023» җиңүчесе Булат Нургалиев.