"Билингв" республика профиль сменасы кысаларында геология буенча укыту-тренировка җыеннары тәмамланды
16-22 нче октябрьдә Татарстан Мәгариф һәм фән министрлыгының “Дуслык” савыктыру-белем бирү комплексы базасында “Билингва” республика профиль сменасы кысаларында Җир турындагы фәннәр белән кызыксынучы 7-11 нче сыйныф укучылары өчен геология буенча укыту-тренировка җыеннары узды. Уку-тренировка җыеннарына Азнакай, Әлмәт, Бөгелмә, Буа, Алабуга, Зәй, Кукмара, Мөслим, Түбән Кама, Нурлат, Тәтеш, Чистай районнарыннан, шулай ук Казаннан геология буенча республика олимпиадаларының төрле этапларында җиңүчеләр һәм призерлар килде.
Сменада катнашучылар минералогия, палеонтология, Җирнең эчке төзелеше, эндоген һәм экзоген геологик процесслар өлкәсендә, 2023-2024 уку елының геологиясе буенча мәктәп укучылары олимпиадасының теоретик һәм практик этапларына әзерлек уздылар.