Казан укучылары Татарстан тарихында беренче тапкыр программалаштыру буенча Бөтенроссия команда олимпиадасы кубогын һәм абсолют беренче урынны алдылар
11-12 декабрьдә Санкт-Петербургта программалаштыру буенча мәктәп укучыларының егерме дүртенче Бөтенроссия ачык команда олимпиадасы узды. Олимпиада 5 сәгать дәвам итте. Программалаштыру буенча мәктәп укучыларының Бөтенроссия команда олимпиадасы - Россиядә иң абруйлы команда олимпиадасы.
Быел олимпиада финалында Россиядән, Казахстаннан, Белоруссиядән, Кыргызстан Республикасыннан, Таҗикстаннан һәм Үзбәкстаннан 238 команда катнашты. Барлыгы 714 катнашучы иде.
Казанның Мәскәү районындагы 2 нче лицей-интернаттан Абдуллин Гимран һәм КФУның Н.И. Лобачевский ис. лицееның 11А сыйныф укучысы Кәримов Ренат, «Казан МСК: Not Not Today» командасы составында, 13 биремне үтәп абсолют беренче урынны яуладылар һәм Татарстан тарихында беренче тапкыр Россия чемпионнары булдылар. Балалар абсолют җиңүче кубогын Казанга алып кайттылар.
Безнең чемпионнар 3 сәгать 30 минут эчендә 13 биремнең 13 ен дә эшләп беренче урын өчен көрәштә башка командаларга шанслар калдырмады.