Мәгариф министрлыгы: мәктәпләрдә Яңа ел чыршылары узачак

2023 елның 25 декабре, дүшәмбе

Депутат Сергей Миронов, мәгариф министрлыгына  мигрант балаларның ата-аналары теләге белән  кайбер мәктәпләрдә яңа ел чыршыларын уздырмау  проблемасы  барлыгы турында мөрәҗәгать итте.  

Чыршы бәйрәмнәре булачакмы? Мәгариф министрлыгында вәзгыятькә ачыклык керттеләр.

- Бөтен ил буенча мәктәпләрдә  Яңа ел бәйрәмнәре узачак. Моның өчен бернинди каршылыклар да юк, - диделәр ведомствоның матбугат хезмәтендә.  Яңа ел - безнең традицион бәйрәм, тантана, ул теләсә кайсы баланың хәтерендә кала.  Министрлыкта  25 декабрьдә узачак "Мөһим сөйләшүләр" дәресе Россиянең төрле халыкларының Яңа ел гаилә традицияләренә багышланачак, дип ачыклык керттеләр.