Казан энергоуниверситеты Кытайдан 100 студент кабул итәргә планлаштыра
Бу хакта “Татар-информ”га биргән интервьюсында КДЭУ ректоры Эдвард Абдуллаҗанов хәбәр итте.
"Әле күптән түгел генә бездә Кытай Халык Республикасы студентлары юк иде, ә бүген КДЭУда бу илдән 70 кеше белем ала. Киләчәктә Кытайдан 100 студент кабул итү планлаштырыла», - диде Абдуллаҗанов.
Ул хәбәр иткәнчә, башка илләрдән студентлар саны планлы рәвештә арта. "Берничә ел элек алар гомуми контингентның 2% ка якыны иде. Хәзер контингент бер ярым тапкырга артты һәм чит ил кешеләренең өлеше дүрт тапкырга диярлек артты. Хәзер КДЭУда 40 илдән килгән студентлар укый һәм аларның өлеше гомуми күләмдә 10% тәшкил итә ", - дип ачыклык кертте ректор.
КДЭУда чит ил студентлары нигездә якын чит илләрдән - Үзбәкстан, Казахстан, Таҗикстан һәм Африка һәм Урта Азия илләреннән килә.