Сферумны кулланучылар саны 20 миллионнан артып киткән

2024 елның 26 гыйнвары, җомга

VK Мессенджердагы уку профиленнән кулланучылар саны 2023 ел нәтиҗәләре буенча 20 млн.нан артып киткән. Сервис аудиториянең 2022 ел белән чагыштырганда өч тапкырга диярлек артуын күрсәткән.

Сферум куллана торган 10 актив регионга Ямал-Ненец һәм Ханты-Манси автономияле округлары, Татарстан Республикасы һәм Тыва, шулай ук Пенза, Томск, Ульяновск, Самара һәм Тамбов өлкәләре кергән.

Сферумда теркәлгән педагоглар саны узган елда 2,5 тапкырга арткан һәм 2 миллионнан артык тәшкил итә, ә укучылар саны икеләтә арткан - 10,8 млн.га җиткән.

2023 елда Сферум педагоглар өчен бушлай онлайн-курсны эшләтеп җибәрде. Курс РФ Мәгариф министрлыгы ярдәмендә эшләнгән, анда 37 меңнән артык педагог белем алган. Курс 2024 елда да дәвам итәчәк.