Мәгариф һәм фән министры Илсур Һадиуллин чыгарылыш сыйныф укучыларының ата-аналары белән тарих буенча БДИ тапшырачак

2024 елның 21 марты, пәнҗешәмбе

21 мартта мәгариф һәм фән министры Илсур Һадиуллин Казанның Идел буе районындагы  139 нчы гимназиясендә узачак  “Бергә тапшырабыз. Ата-аналар белән  БДИ тапшыру көне” Бөтенроссия акциясендә катнашачак.

Бөтенроссия акциясенең инициаторы Рособрнадзор. Акция  Татарстанда, тулаем Россиядәге кебек үк , сигезенче тапкыр узачак.

Акциядә чыгарылыш укучыларының ата-аналары, ТР Дәүләт Советы депутатлары, мәдәният һәм сәнгать эшлеклеләре, танылган спортчылар һәм башкалар катнаша. Бу көнне алар үзләренең  балалары белән урыннарын алыштырачаклар  һәм БДИның бөтен процедурасын үтәчәкләр.