Казанда бүген икътисад буенча Бөтенроссия мәктәп укучылары олимпиадасын ачу тантанасы узачак
29 марттан 4 апрельгә кадәр “Байтик” сәламәтләндерү-белем бирү комплексы базасында икътисад буенча Бөтенроссия олимпиадасының йомгаклау этабы узачак.
Олимпиадада илнең 65 төбәгеннән килгән 347 укучы катнашачак. Олимпиадада катнашучылар һәм аларны озатып йөрүчеләр “Байтик” сәламәтләндерү-белем бирү комплексында һәм “Крутушка” шифаханәсендә яшәячәк.
Олимпиада 2 турда уза.
Ачылу тантанасы 29 мартта 16.00 сәгатьтә Казанның «Адымнар - белемнәргә һәм татулыкка юл» полилингваль комплексының актлар залында узды.
30 мартта - олимпиаданың беренче туры биремнәрен үтәү, укытучылар өчен квалификация күтәрү курслары, 31 мартта - олимпиаданың икенче туры биремнәрен үтәү, шулай ук укытучылар өчен квалификация күтәрү курслары, Гаилә елына багышланган чара “Сабантуй” -дуслык, гаилә һәм иминлек бәйрәме үтәчәк.
1 апрель көнне мәктәп укучылары һәм аларны озата йөрүчеләр А.М.Горький һәм Ф.И.Шаляпин музеенда булачак, шулай ук Казан буйлап экскурсиягә барачак , Татарстан тарихы белән таныша алачак. Россия Федерациясенең төрле субъектларыннан 20 укучы Россия Федерациясенең мәгариф министры Сергей Кравцов белән очрашачак.
2 апрель көнне ТР Милли музее олимпиадада катнашучылар өчен «Идел буе култыклары» этнографик программасын (этнографик күзәтү, борынгы уеннар, халыклар традицияләре) үткәрәчәк.
3 апрель - апелляция процедурасы планлаштырылган.
Олимпиаданы ябу тантанасы 4 апрельдә 12.00 сәгатьтә “Корстон” концертлар залында узачак.
Олимпиаданың йомгаклау этабының генераль партнеры Саклык банкы ГАҖ.