Татарстаннан 6 укучы тарих буенча Бөтенроссия олимпиадасында җиңүче һәм призерлар булды
Олимпиаданың йомгаклау этабы 25 марттан 30 мартка кадәр Яңа Уренгойда Арктика лицее базасында узды. Анда Россиянең 74 төбәгеннән 290 укучы катнашты. Безнең җиңүчеләр һәм призерлар дүрт этап үттеләр: тарихи эссе яздылар, крестьяннар турында тикшеренү проектын чиштеләр, тест биремнәрен башкардылар һәм тарихи чыганакны тикшерделәр.
Шулай ук укучылар бай мәдәни-экскурсия программасында да катнашырга өлгерделәр: газ ятмаларында булдылар, Ямал фаунасын һәм флораны өйрәнделәр, «Этнопарк Аркториум» музей-мәгариф комплексында булдылар. Катнашучылар РФ Мәгариф министры Сергей Кравцов һәм Россия дәүләт һәм сәясәт эшлеклесе, РФ Президенты ярдәмчесе Владимир Мединский белән очраштылар.
Татарстан Республикасыннан Казан, Яр Чаллы, Нурлат, Әлмәт, Азнакай, Алабуга, Лениногорск һәм Түбән Кама районнарыннан килгән 21 унберенче сыйныф укучылары катнашты.
Тарих буенча Бөтенроссия олимпиадасының йомгаклау этабында Әлмәт шәһәренең 2 нче лицеенда укучы Павел Уланов җиңүче булды.
Фотоотчет: https://disk.yandex.ru/d/KziOA8eguZ1XQA