Казан 2024 елда Россия китапханәләр башкаласы итеп сайланды
19 майдан 24 майга кадәр Россия кнең итапханә башкаласында Бөтенроссия китапханә конгрессы, Россия китапханә ассоциациясенең ел саен уздырыла торган XXVIII конференциясе узды. Чараның төп темасы "күпполяр дөньяда китапханә".
Конгресс кысаларында Казан шәһәре Совет районының «М.И. Мәхмүтов исемендәге 184 нче гимназия»сендә мәктәп китапханәләре секцияләр утырышы булды. Әлеге секция эшендә Россиянең 16 төбәгеннән 47 кеше катнашты. Чараның төп спикерлары: «Россия Мәгариф министрлыгы академиясе» өстәмә һөнәри белем бирү ФДАМУ эксперты, рус дөньясының мәктәп китапханәчеләре ассоциациясе президенты Жукова Татьяна Дмитриевна, Гайфуллина Ләйсән Атласовна- Татарстан Республикасы Мәгариф һәм фән министрлыгының укыту-методик озата бару секторы мөдире, Качева Елена Валерьевна, «Чиләбе мәгариф хезмәткәрләрен яңадан әзерләү һәм квалификацияләрен күтәрү институты» ДБУнең төбәк мәгълүмат-методика үзәге мөдире, рус дөньясындагы мәктәп китапханәчеләре ассоциациясе вице-президенты һәм башкалар. Шулай ук Казандагы Яңа Савин районының 177 нче лицееның китапханә мөдире Галия Тимергалиевна Нурахаевнаның хезмәттәшләре белән эш тәҗрибәсе белән уртаклашты.
«Татарстан Республикасы мәгарифен үстерү институты» өстәмә һөнәри белем бирү дәүләт мәгариф учреждениесенең китапханә-мәгълүмат бүлеге башлыгы Хаҗиева Елена Васильевнаны рус дөньясындагы мәктәп китапханәләре ассоциациясенең төбәк вәкиле итеп сайладылар.