Татарстанда балаларның җәйге ялына һәм савыктыруга 2,5 млрд сум юнәлдереләчәк
Бу хакта Татарстан Республикасы яшьләр эшләре буенча министр урынбасары Денис Лулаков Татарстан Республикасы Дәүләт Советының Социаль сәясәт комитеты утырышында хәбәр итте.
Лулаков ачыклык керткәнчә, җәйге лагерьларда Татарстаннан барлыгы 172 мең бала ял итәчәк. Кара диңгез яр буендагы лагерьларга 7 меңнән артык баланы җибәрү планлаштырыла. Моннан тыш, сәламәтлеге мөмкинлекләре чикләнгән 2,5 мең бала өчен ял оештырылачак.
Татарстан шулай ук шефлыкка алынган шәһәрләрдән - Лисичанск һәм Рубежный шәһәрләре балаларының ялын тәэмин итәчәк. 462 бала җәй көне Кырымда "Сәләт" яшьләр үзәгендә ял итәчәк.
Лулаков палата лагерьларында 800 кеше ял итәчәк, дип өстәде. «Палата лагерьларына республика бюджетыннан 44 млн сум акча бүленгән. Өстәмә рәвештә 7 млн сум федераль бюджеттан җәлеп ителде, - дип ассызыклады ул.