Казанда ГИА уздыру пунктларында хуплый торган сүзләр язылган такталар барлыкка килгән

2024 елның 30 мае, пәнҗешәмбе

Казан мәктәпләре терреторияләрендә рус һәм татар телләрендә язылган шундый 88 тактачык барлыкка килгән. Аларны дәүләт йомгаклау аттестациясен уздыру пунктларында күрергә мөмкин.

Мәгариф идарәсе җитәкчесе билгеләп үткәнчә, ГИА - мәктәп укучылары һәм аларның әти-әниләре өчен дулкынландыргыч чор, шуңа күрә имтиханнар үткәрелә торган учреждениеләр территорияләрендә аларны яклау идеясе туды. "Без алар укучыларга шундый мөһим вакыйга алдыннан үзләрен ышанычлырак хис итәргә ярдәм итәр дип өметләнәбез", - диде ул.

Тактачыкларны урнаштыру рус теле буенча бердәм дәүләт имтиханын үткәрүгә багышланган - бүген бу предмет буенча үз белемнәрен 5,8 меңнән артык укучы тикшерде. Моның өчен 451 аудитория әзерләнде.