Бүген Татарстан укучылары математика буенча БДИ тапшыра
Профильле дәрәҗәдәге математика имтиханын 31 майда 7 349 чыгарылыш сыйныф укучысы тапшырачак, база дәрәҗәсе математикасы буенча - 6 935 укучы, шул исәптән сәламәтлек мөмкинлекләре чикләнгән 206 кеше. Бу көнне математика буенча БДИга барлыгы 14 284 чыгарылыш сыйныф укучысы гариза биргән.
БДИ уздыруның 100 пункты оештырылган, шул исәптән 83 ППЭ - гомуми белем бирү оешмалары базасында һәм 17 ПЭ өйдә. 1082 аудитория билгеләнгән.БДИ эшендә 5187 педагогик хезмәткәр катнашачак. ППЭ аудиторияләрендә онлайн видеокүзәтү оештырылган.
Имтихан 10.00 сәгатьтә башлана.
Профильле дәрәҗәдәге математика буенча БДИ озынлыгы 3 сәгать 55 минут, математика буенча база дәрәҗәсендә - 3 сәгатьдәвам итәчәк.
Сәламәтлек мөмкинлекләре чикләнгән укучылар өчен профильле дәрәҗәдәге математика буенча БДИның дәвамлылыгы - 5 сәгать 25 минут, база дәрәҗәсе математикасы буенча - 4 сәгать 30 минут.
Имтихан үткәрү тәртибен бозган өчен имтиханнан чыгарылган катнашучыларның (телефоннар һәм башка җайланмалар, шпаргалкалар һ. б.), аларның нәтиҗәләре гамәлдән чыгарыла, бу фән буенча БДИны киләсе уку елында тапшыра алачак.
Математика буенча БДИ нәтиҗәләрен яхшыртырга теләүчеләр (берәр предмет буенча) 5 июльдә кабат бирә алачак (шул ук вакытта беренче нәтиҗә гамәлдән чыгарылачак).