Казанның полилингваль балалар бакчасында гадәти булмаган чыгарылыш узды

2024 елның 30 мае, пәнҗешәмбе

Казанның 101 нче полилингваль балалар бакчасында гадәти булмаган чыгарылыш бәйрәме узды. Балалар - күптән түгел генә балалар бакчасы балалары - Белем кораблендә мәктәп утрауларына юлга чыктылар. Әле күптән түгел генә бу "диңгезчеләрнең" үсешендә җитди авырлыклар булган.

Балалар бакчасында ике махсус төркем эшли - берсендә аутик спектр тайпылышлары булган балалар укый, икенчесендә - психик үсеш тоткарлыгы белән. Казанда, Татарстанда әлеге юнәлешләр белән аерым һәм тирәнтен шөгыльләнүче балалар бакчалары гомумән Россиядә дә алай күп түгел. Үсеш үзенчәлекләре булган балаларны еш кына инклюзия ысулы белән «мохиткә» кертәләр.Әмма полилингваль балалар бакчасы мөдире Лилия Галиева билгеләп үткәнчә, барлык балаларга да инклюзия туры килми.