107 нче гимназия командасы «Күн туп» республика турнирында җиңүче булган

2024 елның 31 мае, җомга

Мирный бистәсендәге «Динамо» стадионында «Күн туп» бөтенроссия турнирының республика этабы узды. Анда Казанның Яңа Савин районындагы 107 нче гимназия командасы җиңү яулаган.

Яшь футболчылар 2012-2013 елларда туган спортчылар арасында иң җитезләре булган. Команданың иң яхшы уенчысы дип Иван Никитин табылган, ә турнирның иң яхшы футболчысы – Матвей Хәйретдинов.

Казан командасы Кубок өчен Мәскәүдә узачак финал ярышларында көрәшәчәк.

Быел турнирда барлыгы 184 команда катнашкан.