Казанда өстәл уеннары буенча чемпионатта Татарстаннан 580 бала катнашты
Б. Рәмиев исемендәге Казан IT-паркында балалар өстәл уеннары буенча “Акыллы уеннар” ярышлары узды. Бөтен Татарстаннан 580 балалар бакчасында тәрбияләнүче катнашты.
Сәламләү сүзе белән ТР Дәүләт Советы Рәисе урынбасары Марат Әхмәтов мөрәҗәгать итте. Ул мондый чараларның беренче чиратта туган телне саклауда ярдәм итүенә игътибар бирде.
«Акыллы уеннар» программасына ун уен керә, ләкин чемпионатка аларның бишесе генә керде: «Кара-кара», «Нәрсә бу?», «Түбәтәй», «Мин төзүче» һәм «Мин булдырам». Балалар бу уеннарны ел дәвамында үзләштергән. Эчке ярышлардан соң балалар бакчалары иң яхшы нәтиҗәләр күрсәткән балаларны билгеләделәр һәм бүген алар республика чемпионатында катнаштылар.
Балалар өчен өстәл уеннары буенча чемпионат Татарстан Раисе Рөстәм Миңнеханов һәм Татар телен саклау һәм үстерү мәсьәләләре комиссиясе ярдәмендә оештырылды. “Бала-сити” генераль директоры Альбина Насыйрова сүзләренә караганда, ярышлар уку елына йомгак ясау, тәрбияләнүчеләрнең һәм аларның педагогларының эш нәтиҗәләрен күрсәтү.