Казан медицина университеты Предмет милли рейтингы лидеры булды

2024 елның 5 июне, чәршәмбе

Казан дәүләт медицина университетының белем бирү программалары "клиник медицина", "фармация" һәм "фундаменталь медицина" фән өлкәләре буенча Предметлы милли агрегирланган рейтингның премьер-лигасына эләкте. Казан дәүләт медицина университеты «Клиник медицина» юнәлешендә беренче урынны алды, «Фармация» юнәлешендә ул, И.М. Сеченов исемендәге Беренче Мәскәү дәүләт медуниверситетына гына юл биреп икенче , «Фундаменталь медицина» юнәлешендә өченче урынны алды.

Рейтинг һөнәри белем бирү өлкәсендә экспертлар гильдиясе тарафыннан мәгариф өлкәсендә инновацияләргә ярдәм итүнең Милли фонды белән берлектә төзелгән.