2024 елда 700 мең чыгарылыш сыйныф укучысы БДИ тапшыра
РФ мәгариф министры Сергей Кравцов Россия Президенты Владимир Путинга 2024 елда имтихан кампаниясен уздыру турында хәбәр итте. Ул хәбәр иткәнчә, БДИ штат режимында бара, имтиханны 700 мең чыгарылыш сыйныф укучысы тапшыра.
Ул быел 40 меңнән артык иҗтимагый күзәтүче эшли, дип билгеләде. РФ Мәгариф һәм фән министрлыгы башлыгы БДИ үткәргәндә балаларның куркынычсызлыгы Рособрнадзор һәм Россия Эчке эшләр министрлыгы белән бергә тәэмин ителә, дип ассызыклады.
Сергей Кравцов искә төшергәнчә, Донецк һәм Луганск халык республикаларында, Запорожье һәм Херсон өлкәләрендә 9 һәм 11 сыйныф укучылары өчен дәүләт йомгаклау аттестациясен үткәрү дәүләт имтиханы яки арадаш аттестация рәвешендә каралган. 11 нче сыйныф укучылары теләк буенча БДИ бирә ала.
Ул шундый ук кагыйдәләр Белгород, Брянск һәм Курск өлкәләре мәктәпләре өчен урнаштырылган, дип өстәде.
Россия мәгариф министры билгеләп үткәнчә, Россия Президентының БДИны сайлау предметларының берсе буенча яңадан бирү хокукын бирү тәкъдиме уңай кабул ителде. Быел яңадан бирү өчен ике көн - 4 һәм 5 июль бүленгән.