«Итил», «Древо жизни», бушлай татар теле дәресләре - Казанда милли мәдәнияткә кызыксынуны ничек уяталар
Татарстан Республикасы башкаласында татар телен һәм мәдәниятен хуплауга һәм популярлаштыруга юнәлтелгән җәйге проектлар сезоны башлана. Тиздән “Древо жизни”, “Итил” фестивальләре, “Үз телем”, “Саумы, Казан” “Алмачуар” конкурслары уза.Кабан күлендә “Хәрәкәттә - бәрәкәт” башланды инде. Ә татар телен укырга теләүчеләр өчен бушлай курслар башлап җибәрәләр. Бу хакта шәһәр башкарма комитеты җитәкчесе урынбасары Гүзәл Сәгыйтова хәбәр итте.
Беренчесе 3 июльдә 18:00 сәгатьтә Горький исемендәге паркта узачак, анда Татарстан Республикасы районнарыннан җиде милли йортта фольклор коллективлары Татарстанда яшәүче төп халыкларның традицион туе фрагментлары белән интерактив программалар тәкъдим итәчәк.
Шулай ук Горький исемендәге паркта 10 августта Идел буе халыклары өчен «Итил» 4 нче яңа мәдәният фестивале узачак. Мәйданчыкта төп музыкаль сәхнә, ярминкә, фуд-корт, балалар зонасы мастер-класслар, лекторияләр һәм башкалар эшләячәк.
Спикер шулай ук Казанда 13 июньдә старт алган "Хәрәкәттә - бәрәкәт" проекты турында искәртте. Татар биюе буенча мастер-класс 4 июльдә 18:00 сәгатьтә узачак. Ул "Кара-каршы" бию уеныннан башланачак, анда ике төркем биюдә ярыша.
“Саумы, Казан!” конкурсына гаризалар кабул итүне 20 августка кадәр озайттылар
Быел «Саумы, Казан!» конкурсы дүрт номинациядә- декоратив-гамәли сәнгать техникасы төрләре: тирене нәфис эшкәртү, бизәү, чигү, керамика буенча уза. Катнашучылар үтенече буенча гаризалар кабул итү 20 августка кадәр озайтылды.
1 сентябрьгә кадәр балалар һәм яшүсмерләр аудиториясе өчен «Алмачуар» пьесалар конкурсында катнашу өчен заявкалар кабул ителәчәк. Барлыгы дүрт номинация игълан ителде.