Kazan Digital Week та 2023-2024 уку елында "Саннар дәресе" проектын тормышка ашыручы иң яхшы төбәкләрне бүләкләделәр
Бүген Kazan Digital Week 2024 Халыкара форумы кысаларында Россия Федерациясе субъектларын 2023/2024 уку елында «Саннар дәресе» белем бирү проектын гамәлгә ашыру йомгаклары буенча бүләкләү тантанасы булды.
Чарада 21 төбәк "Саннар дәресе" һәм "Цифрлы ликбез" проектларын гамәлгә ашыруга зур өлеш керткәне өчен билгеләп үтелде. Бүләкләнүче төбәкләр - Татарстан Республикасы, Санкт-Петербург, Оренбург, Белгород, Свердловск, Калининград, Чиләбе, Липецк, Тверь, Ростов, Иркутск, Мурманск, Тула өлкәләре, Чечен Республикасы, Карелия Республикасы, Ямал-Ненец автономияле округы, Красноярск , Алтай , Приморье крайлары, Ханты-Манси автономияле округы һәм Чувашия Республикасы. Саннар дәресе - мәгълүмати технологияләр өлкәсендә бөтенроссия белем бирү проекты. Проект укучыларга өйдән чыкмыйча гына санлы икътисад, санлы технологияләр һәм программалаштыру нигезләре белән танышырга мөмкинлек бирә.
Проект сайтында дәресләр формалаштыру өчен "Яндекс", Mail.ru, "Лаборатория Касперского", "Сбербанк", "1С" кебек компанияләрдән санлы технологияләр өлкәсендә белем бирү программалары кулланыла.