28 сентябрьдә «Осталар шәһәре» республика ярминкә-күргәзмәсе узачак
28 сентябрьдә “Казан” агросәнәгать паркында (Казан шәһәре, Аграрный ур., 2) Татарстан Республикасы Мәгариф һәм фән министрлыгы тарафыннан Татарстан муниципаль районнары һәм мәгариф оешмалары катнашында авыл хуҗалыгы продукциясе ярминкә-күргәзмәсен һәм “Осталар шәһәре” техник иҗат эшләнмәләрен уздыру планлаштырыла.
Ярминкә Татарстан Республикасы Авыл хуҗалыгы һәм азык-төлек министрлыгы, «Казан» агросәнәгать паркы һәм Татарстан Республикасы урта һөнәри белем бирү учреждениеләренең директорлар советы ярдәмендә үткәрелә. Узган еллардагы кебек үк, һәр муниципаль район үз экспозиция мәйданчыгын кцллиятлщр р һәм техникумнар, шулай ук башка кызыксынган предприятиеләр һәм оешмалар - мәктәпләр, өстәмә белем бирү учреждениеләре һәм башкалар белән берлектә күрсәтәчәк.
Ярминкәдә шәһәр халкына арзанлы бәядән түбәндәге ассортимент тщкдим ителәчәк: камыр ризыклары, бөртекле культуралар, агачтан эшләнмәләр, декоратив-гамәли иҗат эшләнмәләре, металлдан ясалган эшләнмәләр, консервланган продукция, җиләк-җимеш, бал, сөт продукцияләре, тегү эшләнмәләре, йомырка һәм башкалар. Гражданнарга продукция сатып алуда ярдәм күрсәтү өчен волонтерлар җәлеп ителәчәк.