«Катлаулы, ләкин кызыклы эш»: Казанда яшь укытучыларны һөнәрләренә багышлау узды
Казанда ел саен яшь укытучыларны һөнәрләренә багышлау тантанасы узды. Педагогик эшчәнлек башланыр алдыннан аларТР Рәис е Рөстәм Миңнехановның хәер-фатихасын алдылар. Аның мөрәҗәгатен ТР мәгариф һәм фән министры Илсур Һадиуллин укыды.
Рөстәм Миңнеханов ассызыклаганча, хәзерге мәктәп балаларны уңайлы һәм креатив фикер йөртергә, "үз идеяләрен күрсәтергә һәм гамәлгә ашырырга" өйрәтергә тиеш. Әлеге сыйфатларны гражданлык һәм ватанпәрвәрлек тәрбияләү, туган телгә, мәдәнияткә һәм үз халкының гореф-гадәтләренә мәхәббәт белән берләштереп формалаштыруга педагогик бергәлек юнәлтелергә тиеш, дип билгеләде ул.
Мәгариф һәм фән министрлыгы башлыгы Татарстанда 511 меңнән артык бала мәктәпләрдә белем ала, 200 меңнән артык бала балалар бакчасына йөри, 78 мең студент көллиятләрдә һәм техникумнарда белем ала, дип өстәде. Республикада барлыгы 1411 мәктәп эшли. Ел саен яңа мәгариф учреждениеләре төзелә.