“Салават күпере” торак районның 182 нче лицеенда профильле СИБУР-класс ачылды

2024 елның 3 октябре, пәнҗешәмбе

Профильле СИБУР-класс “Салават купере” торак районының 182 нче лицеенда ачылды. Аның укучылары илнең әйдәп баручы югары уку йортлары укытучыларыннан лекцияләр һәм практик дәресләргә йөриячәк. Программада шулай ук компаниянең профильле сменаларында һәм мәгариф программаларында катнашу каралган. Укучылар киләчәктә эре сәнәгать предприятиеләренә эшкә урнашу белән максатчан уку турында килешү төзү мөмкинлеге алачак. Проект укучыларга һөнәри юнәлеш бирүне үстерүгә һәм сәнәгать секторы өчен белгечләр әзерләүгә юнәлтелгән, дип хәбәр иттеләр Киров һәм Мәскәү районнары администрациясе матбугат хезмәтендә.

Профильле сыйныф «Казаноргсинтез» белән партнерлыкта ачылды. Киләчәктә проект Казанның тагын биш мәктәбендә ачылачак.