Сергей Кравцов Бөтенроссия һөнәри педагогик конкурслар лауреатлары белән мәгариф системасын үстерү турында фикер алышты
Россия Федерациясе мәгариф министры Сергей Кравцов һәм “Россия ел укытучысы” Бөтенроссия конкурсының Зур жюри рәисе, М.В. Ломоносов исемендәге Мәскәү дәүләт университеты ректоры Виктор Садовничий “Россия ел тәрбиячесе”, “Россия ел укытучысы” һәм “Беренче укытучы” Бөтенроссия һөнәри педагогик конкурслары лауреатлары белән очрашты. Очрашу Мәскәү өлкәсендә Е.М. Примаков исемендәге Гимназиянең «Взлет» белем бирү үзәгендә узды. Анда педагогларны борчыган мәсьәләләр буенча фикер алыштылар.
Очрашуда Виктор Садовничий әйткәнчә, Россия Мәгариф министрлыгы һәм Россия Мәгариф һәм фән министрлыгы йөкләмәсе буенча табигый-фәнни мәгарифне үстерү концепциясе булдырылган. Аны эшләүдә мәктәп укытучылары да катнашты. Шулай ук М.В. Ломоносов исемендәге МДУ ректоры «Россиянең ел укытучысы» конкурсының Зур жюри рәисе буларак әлеге ярышның әһәмияте турында сөйләде. Чара барышында Белгород өлкәсе укытучысы Игорь Гребенкин Россия Федерациясе мәгариф министрына мәктәпләрдә тарихи белем үсеше өчен рәхмәт белдерде.
Россия Мәгариф һәм фән министрлыгы башлыгы мәктәпләрдә укучыларны тарих буенча гына түгел, ә рәсем сәнгате, музыка, физкультура, хезмәт (технология), иминлек нигезләре һәм Ватанны саклау кебек предметлар буенча да әзерләүнең көчәйтелүе турында сөйләде.
Чарада шулай ук юбилярларны тәбрикләү буенча мәгълүмати кампания оештыру мәсьәләләре, мәктәпкәчә белем бирүне үстерү перспективалары, башлангыч мәктәптә математика укыту үзенчәлекләре турында фикер алыштылар.