Татарстан «Школьные клубы дипломатии» федераль проектында катнаша
"Беренчеләр хәрәкәте"нең яңа федераль проектында катнашучылар билгеле булды. Бу хакта “Татар-информ”га оешманың төбәк бүлеге матбугат хезмәте хәбәр итте.
Узган елның августында Татарстан Республикасының «Беренчеләр хәрәкәт» е Россиядә беренче тапкыр «Дуслык» Халыкара яшьләр лагере сменасы үткәрде . Ул вакытта Иннополиста илнең төрле төбәкләреннән һәм тагын ун дәүләттән 200 гә якын бала һәм яшүсмер җыелды. Балалар төрле илләрдән яңа дуслар таптылар, бер-берсенең мәдәнияте һәм традицияләре белән таныштылар.
Россия мәктәпләренең чит ил мәктәпләре белән беренче танышу октябрь ахырында онлайн-форматта узачак. Октябрьдән декабрьгә кадәр чорда дипломатиянең мәктәп клубларында катнашучылар - 14 яшьтән 17 яшькә кадәрге яшүсмерләр - остазлар белән бергә халыкара дәрәҗәдәге вакыйгаларны проектлаштырачаклар, практика уздырачак һәм тематик активлыкларда катнашачак.
Россия мәктәпләре өчен Федерация субъектлары эчендә дустанә мөнәсәбәтләрне ныгытуга юнәлтелгән кайбер локаль чараларны эшләтеп җибәрәчәкләр. Шулай ук проектта катнашучылар 19 ноябрьдән 22 ноябрьгә кадәр узачак яшьләр слетына Казанга килү мөмкинлеге алачак.