Арчада ясалма интеллект программасын куллану буенча семинар узды

2024 елның 14 октябре, дүшәмбе

11 октябрьдә Г.Тукай исемендәге Арча педагогика көллияте базасында «Һөнәри белем бирү оешмаларының белем бирү процессында «Дәрес конструкторы» ясалма интеллект программасын куллану» зона семинар-практикумы узды.

Чараның инициаторы - ТР Мәгариф һәм фән министрлыгы ярдәмендә Казан сәүдә-икътисад техникумы.

«Дәрес конструкторы» ясалма интеллект программасы педагогка документация йөкләнешен киметүгә ярдәм итә.

Семинарда укыту эше, фәнни-методик эш буенча директорлар урынбасарлары, педагогик, авыл хуҗалыгы һәм нефть эшкәртү профильләре урта һөнәри белем бирү оешмаларының җитештерү буенча укытучылары һәм мастерлары катнашты.