Додосов исемендәге Питрәч мәктәбе укучылары МХО сугышчылары өчен окоп шәмнәре тапшырдылар

2024 елның 15 октябре, сишәмбе

Россия Герое И.А.Додосов исемендәге 1 нче Питрәч мәктәбенең 3 "А" сыйныфы укучылары МХОдагы хәрбиләр өчен гуманитар ярдәм җыеп тапшырганнар. Укучылар үз куллары белән солдатлар өчен окоп шәмнәре әзерләгәннәр. Бу хакта “Татар-информ”га Питрәч районы матбугат хезмәтендә хәбәр иттеләр.

Башлангыч сыйныфлар укытучысы Гөлнара Шәрипова балаларда Ватанга мәхәббәт, патриотизм тәрбияли. Алар бергә музейларга, районга патриотик чараларга йөриләр.