Татарстанда «ПРЕМЬЕРА» студентлар театрлары фестиваленең икенче этабы башланды
Татарстанда «Генераль репетиция» дип исемләнгән «ПРЕМЬЕРА» ачык телевизион студентлар театрлары фестиваленең икенче этабы старт алды, дип хәбәр итә ТР яшьләр эшләре министрлыгы матбугат хезмәте.
Проект экспертлары укучыларга спектакльләр куярга ярдәм итә. Алар инде Зәй һәм Бөгелмә районнарында, Казан уку йортларында булдылар.
«Без Зәй һәм Бөгелмә яшьләре өчен мастер-класслар үткәрдек. Без укучыларга спектакльләрен яхшыртырга ярдәм итәргә килдек. Алар инде әзер, ләкин камилләштерәсе урыннар бар», - дип билгеләп үтте Татарстанның атказанган артисты, «Созвездие-Йолдызлык» театры артисты, вокал мәктәбенә нигез салучы Владимир Шнитко.
Алда студентлар театрлары «Премьера»ның финал этабын көтә. Проект «Яшьләргә ярдәм итү системасын үстерү» федераль проекты кысаларында «Мәгариф» илкүләм проекты «Яшьләр өчен төбәк» федераль программасы кысаларында гамәлгә ашырыла.