Татарстанда 50 яңа белем бирү программасы эшләү планлаштырыла

2024 елның 18 октябре, җомга

Татарстанда киләсе елда төрле категориядәге гражданнарны укыту өчен кимендә 50 белем бирү программасы эшләү планлаштырыла. Бу хакта Татарстан Республикасының һөнәри компетенцияләрне үстерү үзәге генераль директоры Эмиль Гобәйдуллин Татарстан Республикасы Мәгариф һәм фән министрлыгы каршындагы иҗтимагый совет утырышында хәбәр итте. Аның сүзләренчә, белем бирү программаларын предприятиеләрнең "кадрлар мәсьәләләрен хәл итү өчен" эшләү планлаштырыла.

Быел Татарстанда 40 мәгариф программасы эшләнде.

Татарстанлылар ТР Мәгариф һәм фән министрлыгы өчен максатлар һәм бурычлар сайлаячак. Алар 1 ноябрьдә тавыш бирү өчен тәкъдим ителәчәк. Экспертларның 20 тәкъдименнән җидесен билгеләргә кирәк булачак.