Чаллыда Бөтенроссия кванторианнар форумы тәмамланды
Россия Федерациясенең 32 төбәгеннән 210 катнашучыны җыйган форум узган атнада Чаллы "Кванториум"ында узды. Чарага илебезнең 40 шәһәреннән балалар технопаркларында тәрбияләнүчеләр килде. Алар командаларга берләшкәннәр һәм педагоглар һәм остазлар җитәкчелегендә 24 технологик проект эшләгәннәр.
Форумда белем бирү чаралары һәм проектлар эшләүдән тыш. Татарстан белән таныштылар. Илнең төрле почмакларыннан килүчеләр Казан Кремлендә һәм Бәшир Рәмиев исемендәге ИТ-паркта булдылар, “Алабуга” махсус икътисадый зонасында һәм “Алабуга-политех” көллиятендә булдылар, Әлмәттәге Югары нефть мәктәбенә һәм “КАМАЗ-мастер” спорт командасы музеена экскурсияләрдә катнаштылар.
Беренче урынны Иске Оскол, Белгород һәм Яр Чаллыдан кванторианнар командасы яулады! Аларның "БПЛА ярдәмендә территорияне төзекләндерү" проекты экспертларның иң югары бәясен алды. Җиңүчеләр исемнәре: Неверова Олеся, Неверова Ульяна, Быков Полина, Батиг Вячеслав, Шишов Ярослав, Фукина Юлия һәм Савина Дарья.
Катнашучылар масштаблы форумны оештыруның дәрәҗәсен, кызыклы экскурсияләрне һәм эшләнгән проектларны югары бәяләделәр. Исегезгә төшерәбез, "Кванториум" технопаркы "Мәгариф" илкүләм проекты кысаларында төзелгән.