Казанда БРИКС саммиты башланды
Татарстан башкаласында уникаль халыкара вакыйга - БРИКС саммиты старт алды. Бездә мондый зур һәм әһәмияте чараның уздырылганы юк иде әле - 32 ил һәм 20 дән артык дәүләт лидеры катнаша.
БРИКС - дәүләтләрнең формаль булмаган берләшүе. 2024 елга кадәр аңа Бразилия, Россия, Һиндстан, Кытай һәм Көньяк Африка (ингл. South Africa - прим. Enter), аларның исемнәре аббревиатура нигезенә салынган.
2024 елның 1 гыйнварыннан блокка Иран, Согуд Гарәбстаны, Берләшкән Гарәп Әмирлекләре, Мисыр һәм Эфиопия кушыла. БРИКСның уставы, хартиясе һәм башка регламентлаучы документлары юк, шуңа күрә берләшүне халыкара оешма дип атап булмый. Клуб икътисад, сәясәт һәм куркынычсызлык өлкәләрендә мәнфәгатьләре туры килгән илләр партнерлыгы өчен мәйданчык.
Ел саен БРИКС вәкилләре йөзләгән очрашу уздыра. Төп һәм йомгаклау вакыйгасы ел саен уза торган саммитка әверелә. Анда берләшмә әгъзалары булган дәүләтләр лидерлары һәм министрлыклар башлыклары катнаша. Саммитта елга нәтиҗәләр ясыйлар һәм декларацияләр кабул итәләр.