Татарстанның 30 меңнән артык укучысы эшкуарлык нигезләрен өйрәнгән
Татарстанда «Кече һәм урта эшкуарлык» илкүләм проекты буенча «Мәктәп бизнес-старты» проектының беренче этабы тәмамланды.
Эшлекле уен форматында узган беренче этапта республиканың төрле шәһәр һәм районнарыннан 11 меңнән артык укучы катнашты. Шулай итеп, укуда 49 мәктәптән, шул исәптән Казанның 11 белем бирү учреждениесеннән (3 меңнән артык укучы), Чаллыдан 10 бала, шулай ук республиканың 17 районыннан 28 мәктәп катнашты.
Эшлекле уен барышында урта сыйныф укучылары махсус эшләнгән программа буенча эшкуарлык нигезләрен өйрәнделәр. Уку программасы шулай ук эшкуар портретын төзү, төп икътисадый төшенчәләр, тестлар үткәрү, шулай ук шәхси бизнес-проектларны тәкъдир итү кебек биремнәрне үз эченә алды.
«Мәктәп бизнес-старты» проектының чираттагы этабы эшкуарлык эшчәнлеген тирәнтен өйрәнүне күздә тоткан команда гамәли семинарлары булачак. Шул ук вакытта балалар белән Татарстан эшмәкәрләре шөгыльләнәчәк. Икенче этап тәмамлангач, анда катнашучылар шулай ук команда белән эшләнгән үз бизнес-проектларын тәкъдим итәчәкләр. Семинарлар октябрь ахырында ук башлана.