Россия мәктәпләре «Хезмәт (технология)» һәм ОБЗР предметларын укытуга субсидияләр алырга мөмкин
«Ватанны саклау һәм иминлек нигезләре» (ОБЗР) һәм «Хезмәт (технология)» предметларын укыту өчен мәктәпләргә субсидияләр бирү буенча Россия Федерациясе Хөкүмәтенең карар проекты басылып чыкты. Документ Россия Мәгариф министрлыгы тарафыннан эшләнгән.
Федераль бюджеттан субсидияләрне әлеге фәннәр буенча гомуми белем бирү программаларын гамәлгә ашыру өчен заманча шартларга туры килә торган укыту һәм тәрбия чаралары белән тәэмин итүгә бүлеп бирү планлаштырыла. «Россия Федерациясе Хөкүмәтенең 2017 елның 26 декабрендәге 1642 номерлы карарына үзгәрешләр кертү турында» Россия Федерациясе Хөкүмәтенең карары проекты тарафыннан Россия субъектлары һәм Байконур шәһәре бюджетларына субсидияләр бирү һәм бүлү кагыйдәләре кертелә. Акчаны "Яшьләр һәм балалар" яңа илкүләм проекты кысаларында бүлеп бирү күздә тотыла.