2024 елда технологик түгәрәкләр конкурсына гаризалар кабул итү башланды
31 октябрьдән 2024 елда Бөтенроссия технологик түгәрәкләр конкурсына гаризалар кабул ителә башлады. Конкурста программалаштыру, робототехника, киберфизика, космик технологияләр, пилотсыз авиация системалары һәм башка юнәлешләр, студентлар технологик командалары, шулай ук түгәрәкләр эшен комплекслы үстерүче оешмалар катнаша.
2024 елда конкурс өч трек буенча уздырыла. "Технологик түгәрәкләр" трегы балаларны инженер эшенә кызыксыну формалаштыручы түгәрәкләр өчен билгеләнгән.
«Студентларның технологик командалары» трегына көллиятләр һәм югары уку йортлары базасында студентлар берләшмәләреннән һәм түгәрәкләрдән, шулай ук технологик проектлар эшләү белән шөгыльләнүче студентлар конструкторлык бюроларыннан гаризалар кабул ителә.
«Технологик түгәрәкләрне үстерү мохите» трегы мәктәпләргә, көллиятләргә, вузларга, «Кванториумнарга» исәпләнгән, алар базасында балалар һәм яшьләр өчен фәнни-техник иҗатның берничә түгәрәге эшли.
Конкурска гаризаны 31 декабрьгә кадәр аның рәсми сайтында бирергә мөмкин.