Казан укучылары һәм көллият студентлары Бөтенроссия диктантында законнар һәм кеше хокуклары турындагы белемнәрен тикшерә ала

2024 елның 19 ноябре, сишәмбе

25 ноябрьдән 1 декабрьгә кадәр "ВПРАВЕ" II Бөтенроссия хокук диктанты узачак. Акциягә 12 яшьтән 18 яшькә кадәр булган укучылар һәм көллият студентлары кушыла ала, дип хәбәр итә оештыручылар.

Диктантта катнашу өчен проект сайтында теркәлергә, мәгълүматны шәхси кабинетта тутырырга һәм”Диктантлар” бүлегендә "Диктант 2024"не сайларга кирәк.

Акция ике форматта узачак - онлайн һәм офлайн. Диктант язучылар җыелган баллар санын күрсәтеп, сертификат алачак.

Проект Президент грантлары фонды ярдәмендә тормышка ашырыла. Аның максаты – яшьләрдә законга хөрмәт ныгыту һәм гражданнар җаваплылыгын үстерү.