Татарстанның 13 студентлар театры «ПРЕМЬЕРА» фестивалендә катнашачак
ТР студентлар һәм яшьләр театрларының «Премьера» I ачык телефестиваленең икенче турына чыккан югары уку йортлары һәм ссузларның 13 иҗат коллективы финалга әзерләнәләр һәм "Созвездие - Йолдызлык" театры сәхнәсендә репетицияләр ясыйлар.
26-29 ноябрь көннәрендә коллективлар жюри әгъзаларына үз спектакльләрен күрсәтәчәкләр. Спектакльләргә барлык теләүчеләр чакырыла, спектакль графигы белән проектның социаль челтәрләрендә танышырга мөмкин.
30 ноябрьдә катнашучыларны бүләкләү тантанасы булачак. Фестиваль Гран-при иясе билгеләнәчәк, төп приз- спектакльне «Яңа Гасыр» телерадиокомпаниясе төшерәчәк. Оештыручылар сүзләренчә, "Премьера" фестивале профессиональ дәрәҗәдә студентлар театрларының сыйфатын күтәрергә ярдәм итәчәк.
Чара “Мәгариф” милли проекты кысаларында үткәрелә.