«Педагогик укулар- 2024» VI Халыкара фәнни-гамәли конференциясе старт ала
«Педагогик укулар 2024: цифрлы буын үсешендә фән, мәгариф һәм мәдәният потенциалы» VI Халыкара фәнни-гамәли конференциясе 2024 елның 21 ноябрендә Татарстан Республикасы Фәннәр академиясендә 9.00 сәгатьтә узачак.
Чараның максаты - цифрлы буынны үстерү контекстында педагогиканың, мәгарифнең һәм мәдәниятнең актуаль мәсьәләләрен һәм проблемаларын карау. Конференция Россия Федерациясендә Гаилә елына һәм Татарстан Республикасында фәнни-технологик үсеш елына багышланган.
Конференция кысаларында пленар һәм секцион утырышлар үткәрү планлаштырыла. Конференциядә катнашучылар тәҗрибә уртаклаша, яңа профессиональ элемтәләр урнаштыра һәм җәмгыятьнең цифрлы трансформациясе шартларында фәнне, мәгарифне һәм мәдәниятне үстерү мөмкинлекләре һәм перспективалары турында фикер алыша алачак.
Укуларда катнашу өчен фәнни хезмәткәрләр, педагоглар, психологлар, урта һөнәри һәм югары белем бирү оешмалары җитәкчеләре, педагогик хезмәткәрләр, докторантлар, аспирантлар, эзләүчеләр, студентлар, өстәмә һөнәри белем бирү белгечләре чакырыла.