Сергей Кравцов 2040 елга кадәр мәгариф үсеше стратегиясен эшләү максатларын атады
РФ мәгариф министры Сергей Кравцов «Россия Федерациясендә 2040 елга кадәр мәгарифне үстерү» стратегик сессиясендә чыгыш ясады. Ул әзерләнүче Мәгарифне үстерү стратегиясенең максатын тәкъдим итте. Чара “Россия” милли үзәгендә Россия Федерациясе Мәгариф министрлыгы, Россия Федерациясе Югары белем һәм фән министрлыгы, Мәгариф һәм фән өлкәсендә күзәтчелек федераль хезмәте, Яшьләр эшләре буенча федераль агентлык инициативасы буенча узды. Оештыручы - Россия "Знание" җәмгыяте.
Россия Мәгариф һәм фән министрлыгы башлыгы әлеге масштаблы эштә катнашкан һәркемгә рәхмәт белдерде. Ул документны әзерләү Россия Президенты Администрациясе, Россия Хөкүмәте һәм шәхсән Россия Федерациясе Хөкүмәте Рәисе урынбасары Дмитрий Чернышенко тарафыннан координацияләнә, дип билгеләде. Стратегия проекты төбәкләр вәкилләре белән фикер алышып эшләнә.
Россия яшьләре җитәкчесе Григорий Гуров ассызыклаганча, мәгариф үсеше стратегиясен эшләү - мәгариф өлкәсе дә, яшьләр сәясәте системасы да, иҗтимагый институтлар һәм төбәкләрнең дә уртак бурычы.
2040 елга кадәр перспектива белән 2036 елга кадәр мәгарифне үстерү стратегиясе Россия Президенты Владимир Путин күрсәтмәсе нигезендә эшләнә һәм яшь буынны киләчәккә һәрьяклап әзерләүне тәэмин итә. Стратегия өстендә 650дән артык кеше эшли - бу мәгариф өлкәсендәге экспертлар, уку йортлары җитәкчеләре һәм профессорлары, академик бергәлек (укытучылар, галимнәр), профильле коммерциячел булмаган оешмалар, бизнес һәм дәүләт корпорацияләре вәкилләре. Стратегияне эшләүдә Россия Федерациясенең барлык 89 субъекты вәкилләре катнаша, шул исәптән мәктәп укучылары, студентлар һәм аларның әти-әниләре.