Югары нефть мәктәбе дөнья дәрәҗәсендәге Фәнни үзәк белән хезмәттәшлекне киңәйтәчәк
Бүген КФУда «Планетада сыек углеводородлар запасларын рациональ үзләштерү» бөтендөнья дәрәҗәсендәге Фәнни үзәкнең Күзәтчелек советы утырышы узды. Утырышта катнашучыларны сәламләп, ТР Рәисе Рөстәм Миңнеханов ассызыклаганча, Советның төп бурычы - комплекслы анализ һәм НЦМУ төзү һәм үстерү программасын гамәлгә ашыруга ярдәм итү. «Үзәк илне арзанлы нефть һәм газ запаслары, шулай ук аларны экологик һәм экономияле чыгару технологияләре белән тәэмин итәргә тиешле углеводородлар ятмаларын фаразлауның, эзләү, разведкалауның һәм эшкәртүнең нәтиҗәле технологияләрен булдыру өстендә эшли», - дип искәртте ул, үзәк эшчәнлеге илнең фәнни-технологик үсеше һәм икътисадый иминлеге өчен мөһим булуын ассызыклап.
Чаралар Фән һәм технологияләр унъеллыгы проекты кысаларында уздырыла . Искә төшерәбез, 2022-2031 еллар Россия Федерациясендә фән һәм технологияләр унъеллыгы дип игълан ителде. Бу Россия Федерациясе Президентының 2022 елның 25 апрелендәге 231 номерлы Указы белән билгеләнде. Фән һәм технологияләр унъеллыгын уздыруның төп бурычлары - талантлы яшьләрне тикшеренүләр һәм эшләнмәләр өлкәсенә, тикшеренүчеләрне һәм уйлап табучыларны җәмгыять һәм ил үсешенең мөһим бурычларын хәл итүгә җәлеп итү һәм Россия Федерациясе гражданнары өчен Россия фәненең казанышлары һәм перспективалары турындагы мәгълүматтан файдалану мөмкинлеген арттыру.